Mar chuid d'Uachtaránacht na hÉireann ar Chomhairle an Aontais Eorpaigh, reáchtálfaidh an tAire Tithíochta, Rialtais Áitiúil agus Oidhreachta cruinniú d'Airí de chuid an Aontais Eorpaigh chun an easpa dídine a phlé. Sa chruinniú seo, beidh deis ag Airí ar theacht le chéile chun beartais réamhghníomhacha a phlé agus a fhorbairt d'fhonn an easpa dídine a chomhrac ar an leibhéal Eorpach.
"Den chéad uair riamh, tiocfaidh na hAirí sin ar a bhfuil cúram na heaspa dídine agus cúram na tithíochta le chéile chun tosaíochtaí comhroinnte a phlé, lena n-áirítear príomhghnéithe de Phlean an Aontais um Thithíocht Inacmhainne (a foilsíodh i Nollaig 2025), agus béim á leagan ar eisiamh tithíochta chun tacú le daoine leochaileacha a bhfuil éiginnteacht ann maidir lena n-áit chónaithe agus chun an easpa dídine a chosc agus chun aghaidh a thabhairt uirthi.
San imeacht freisin, beidh cruinniú ag ionadaithe ar chomhaltaí den Ardán Eorpach chun an easpa dídine a chomhrac, a cruthaíodh d'éis Chomhdháil Liospóin in 2021, agus saineolaithe agus comhlachais eile a mbíonn an easpa dídine á comhrac go gníomhach acu.
Sa chruinniú den Ardán Eorpach chun an Easpa Dídine a Chomhrac (EPOCH), beidh deis ar chomhar a dhéanamh le geallsealbhóirí, agus ar oibriú leo, lena n-áirítear soláthraithe cathrach agus seirbhíse i dtreo is go bhféadfar eolas agus dea-chleachtais a mhalartú ar dhóigh níos fearr, cuir chuige éifeachtúla agus nuálacha a shainaithint, agus dul chun cinn a dhéanamh i leith an easpa dídine a dhíothú. Is sprioc nithiúil a d'fhéadfaí a bhaint amach é an tArdán freisin de Phrionsabal 19 an Phlean Gníomhaíochta um Cholún Eorpach na gCeart Sóisialta, eadhon Tithíocht agus cúnamh do dhaoine gan dídean a chur chun feidhme.
Is é cuspóir an Ardáin comhthuiscint agus comhghealltanas a chothú agus a chinntiú go ndéanfar dul chun cinn nithiúil sna Ballstáit sa chomhrac i gcoinne na heaspa dídine.
Rachaidh Éire i mbun na hUachtaránachta tráth a bheidh athbhreithniú meántéarmach á dhéanamh ar EPOCH. Beidh cúig bliana ann ó seoladh EPOCH agus, sa chomhthéacs sin, is tráthúil athbhreithniú a dhéanamh ar obair an Ardáin agus ar na pleananna oibre a bheidh ann amach anseo.
Sa bhreis air sin, i Nollaig 2025, d'fhoilsigh an Coimisiún Plean an Aontais um Thithíocht Inacmhainne, inar áiríodh sprioc 'go ndéanfadh an Chomhairle moladh i dtaca le heisiamh tithíochta a chomhrac chun tacú le daoine leochaileacha a bhfuil éiginnteacht ann maidir lena n-áit chónaithe agus chun an easpa dídine a chosc agus chun aghaidh a thabhairt uirthi'. Cuirfear an tionscnamh úd i láthair i gcomhthéacs na Straitéise i gcoinne na Bochtaineachta, ar straitéis í atá ar na bacáin, agus beidh cuid oibre EPOCH ina bonn leis