Is tionscnamh idir-rialtasach é Próiseas Bologna trína ndéantar comhar san ardoideachas i measc tíortha atá rannpháirteach i Limistéar Eorpach an Ardoideachais (EHEA) a chur chun cinn.
Tá Grúpa Faireacháin Bologna (BFUG) freagrach as formhaoirseacht agus comhordú a dhéanamh ar chur chun feidhme Phróiseas Bologna idir Comhdhálacha Aireachta.
Sa chruinniú i mBaile Átha Cliath, tiocfaidh toscairí ó Bhallstáit Phróiseas Bologna, maille le hionadaithe ón gCoimisiún Eorpach agus ó bhalleagraíochtaí comhairleacha, le chéile. Orthu sin a bheidh i láthair aige, beidh oifigigh ón rialtas láir, ó ghníomhaireachtaí stáit, ó údaráis áitiúla agus ó chomhlachtaí neamhrialtasacha.
I measc na bpríomhréimsí a ndíreofar orthu, beidh comhaontú ar Threoir nua d’Úsáideoirí ECTS, athbhreithnithe ar na Caighdeáin agus na Treoirlínte Eorpacha maidir le Dearbhú Cáilíochta, agus bunú rúnaíochta fadtéarmaí.
San imeacht, cuirfear béim ar ról gníomhach na hÉireann maidir le comhar Eorpach san ardoideachas a neartú agus cuideofar le treisiú le próifíl Phróiseas Bologna ar an leibhéal náisiúnta.