Sa chruinniú neamhfhoirmiúil de na hArd-Stiúrthóirí agus na hAtaiséanna um Iascach, tiocfaidh oifigigh ó gach cearn den Eoraip le chéile d'fhonn ceisteanna i leith Chomhbheartas Iascaigh an AE a phlé.
Faoi Uachtaránacht na hÉireann ar an AE, beidh cruinniú neamhfhoirmiúil d'Ard-Stiúrthóirí agus Ataiséanna an AE um Iascach ar siúl i gCorcaigh ón 9 go dtí an 11 Meán Fómhair 2026.
I measc na dtoscairí a bheidh i láthair, beidh Ard-Stiúrthóirí agus Ataiséanna um Iascach ó gach ceann de Bhallstáit an AE, maille le hionadaithe ó Stiúrthóireacht Gnóthaí Muirí agus Iascaireachta an Choimisiúin Eorpaigh agus ó Ardrúnaíocht Chomhairle an Aontais Eorpaigh.
Sa chruinniú, beidh deis ag na toscairí ar mhachnamh a dhéanamh ar shaincheisteanna a bhaineann le Comhbheartas Iascaigh an Aontais Eorpaigh, go háirithe i bhfianaise fhoilsiú na Meastóireachta ón gCoimisiún ar Rialachán CBI i mí na Bealtaine agus roimh fhoilsiú Fhís 2040 an Choimisiúin maidir le hIascach agus Dobharshaothrú san fhómhar.