Beidh cruinniú neamhfhoirmiúil d'Airí sin an AE atá freagrach as an gcosaint ar siúl an 31 Lúnasa agus an 1 Meán Fómhair i gCill Mhantáin.
Is í Aire Cosanta agus Gnóthaí Eachtracha agus Trádála na hÉireann, Helen McEntee, TD, i gcomhar leis an Ardionadaí do Ghnóthaí Eachtracha agus don Bheartas Slándála, Kaja Kallas, a reáchtálfaidh cruinniú neamhfhoirmiúil d’Airí Cosanta an AE.
Sa chruinniú neamhfhoirmiúil, beidh deis ag na hAirí Cosanta ar pháirt a ghlacadh i bhfóram rúnda chun tuairimí a mhalartú agus chun na cinntí a dhéanfar i dtaobh Chomhbheartas Slándála agus Cosanta an AE a ullmhú.
Sa phlé a dhéanfar, meastar go ndíreofar ar shaincheisteanna slándála, lena n-áirítear tacaíocht mhíleata don Úcráin, ullmhacht cosanta an AE, forbairt cumais, agus an comhar idir an AE agus ECAT.
Toisc gur cruinniú neamhfhoirmiúil a bheidh ann, beifear in ann dul i mbun idirphlé straitéiseach trédhearcach roimh chruinnithe foirmiúla na Comhairle Gnóthaí Eachtracha (Cosaint) atá le bheith ar siúl i mí Dheireadh Fómhair agus i mí na Samhna.