Le linn Uachtaránacht na hÉireann ar Chomhairle an Aontais Eorpaigh, tiocfaidh toscairí ón Meitheal um Chabhair Dhaonnúil agus Cabhair Bhia (COHAFA), a ullmhaíonn obair na Comhairle ar ghníomhaíocht dhaonnúil an Aontais agus a chomhordaíonn freagairt an Aontais ar ghéarchéimeanna daonnúla, le chéile.
Imeacht dhá lá, a bheidh ar siúl i i mBaile Átha Cliath, a bheidh sa chruinniú neamhfhoirmiúil den Mheitheal um Chabhair Dhaonnúil agus Cabhair Bhia (COHAFA) a mbeidh toscairí sin Bhallstáit an AE atá i Meitheal COHAFA i láthair aige.
Reáchtáiltear cruinnithe foirmiúla COHAFA ar bhonn míosúil sa Bhruiséil, agus tagann toscairí sin na mBallstát atá lonnaithe i bpríomhchathracha le chéile iontu. Sa phlé a dhéantar, dírítear ar an mbeartas daonnúil agus ar oibríochtaí daonnúla. Déanann an Uachtaránacht na cláir oibre do na cruinnithe foirmiúla agus neamhfhoirmiúla araon a leagan síos agus baintear cothromaíocht amach iontu idir tosaíochtaí na hUachtaránachta agus saincheisteanna atá ríthábhachtach don Aontas agus do na Ballstáit mar ghrúpa. I gcruinnithe COHAFA, cuireann cainteoirí faisnéis ar fáil agus téitear i mbun plé leis an gCoimisiún Eorpach agus leis an tSeirbhís Eorpach Gníomhaíochta Seachtraí (SEGS) maidir le hábhair bheartais shonracha agus maidir le géarchéimeanna geografacha.
Sa Chruinniú Neamhfhoirmiúil dhá lá de COHAFA, a bheidh ar siúl i mBaile Átha Cliath, díreofar ar phlé iomlánach an 24 Meán Fómhair 2026. An dara lá, tabharfar cuairt ar shuíomh a mbeidh baint aige leis an bplé a dhéanfar sa chruinniú.