Gníomhaíonn Grúpa Eorpach Shaineolaithe sin na bPointí Faisnéise Náisiúnta um Shacar atá ina n-údar ar an bPóilíneacht ar Shacar (ar a dtugtar an Mheitheal Mhachnaimh freisin) thar ceann 38 mball líonra pan-Eorpach na bPointí Faisnéise Náisiúnta um Shacar (PFNSanna).
Tá sé d'aidhm ag an ngrúpa comhar agus comhroinnt dea-chleachtas a chothú i measc na bPointí Faisnéise Náisiúnta um Shacar agus na gcleachtóirí póilíneachta sacair uile ar fud na hEorpa; tá sé sin tábhachtach ós rud é go bhfuil féilire na gcluichí sacair Eorpacha a bhfuil gné idirnáisiúnta ag baint leo fairsing agus fós ar bun agus go mbíonn tionchar aige ar gach tír Eorpach i bhfianaise na milliúin tacadóirí sacair a bheith ag siúl na hEorpa agus áiteanna is faide i gcéin ná í gach bliain.
Tarlaíonn teagmhais a bhaineann leis an ord poiblí i líon suntasach de na cluichí sin, siúd is gur lú go mór fada déine bhunáite na dteagmhas mar gheall ar a éifeachtúla atá líonra PFNS agus na socruithe idirnáisiúnta gaolmhara maidir le comhar póilíneachta. Tá an comhar sin ríthábhachtach ó thaobh an baol sábháilteachta agus slándála do na milliúin daoine a bhíonn ag freastal ar chluichí, nó a mhaireann i ngaobhar na n-ionad ina mbíonn na himeachtaí ar siúl, a íoslaghdú.