San imeacht seo, tiocfaidh toscairí ó Bhallstáit AE le chéile chun plé a dhéanamh i dteannta a chéile ar shaincheisteanna arna sainaithint i Straitéis Ullmhachta an Aontais.
I gCeardlann Uachtaránacht na hÉireann maidir leis gCosaint Shibialta, tiocfaidh toscairí náisiúnta ó PROCIV (Meitheal Chomhairle an Aontais Eorpaigh um Chosaint Shibhialta), PROCIV (CER) - Athléimneacht Eintiteas Criticiúil agus na Meithleacha Ad Hoc um Athléimneacht, le chéile.
Sa Cheardlann, díreofar ar thionchar teagmhas adhaimsire ar an tsochaí a bheith ag dul i méid, go háirithe na tionchair chascáideacha ar bhonneagar criticiúil amhail fóntais agus na líonraí cumarsáide, agus gá le cur chuige uile-shochaí agus uile-rialtais i leith athléimneacht a fheabhsú; agus ról tábhachtach na teicneolaíochta nua amhail IS agus eolaíocht chun ullmhú i gcomhair na rioscaí cascáideacha sin, iad a chosc, nó freagairt orthu, trí na céimeanna uile den Timthriall Bainistithe Riosca Tubaistí.
Tá sé de sprioc ag an gceardlann acadóirí agus saineolaithe ó dhisciplíní éagsúla a thabhairt le chéile faoi scáth na Cosanta Sibhialta chun a dtaithí luachmhar agus a léargas luachmhar ar na céimeanna agus na tionscnaimh a bhaineann le forbairt athléimneachta a chomhroinnt, mar aon lena dtuairimí ar conas is féidir linn, i dteannta a chéile, oibriú le chéile chun torthaí níos fearr a bhaint amach, agus chun dea-chleachtais de chuid gníomhaithe náisiúnta agus idirnáisiúnta araon a shainaithint trí chuid eolais agus taithí na ngníomhaithe sin a chomhroinnt. Tá na hábhair a pléadh sna Ceardlanna ar an gCosaint Shibhialta roimhe seo ó Uachtaránachtaí eile ina mbonn le Ceardlann Uachtaránacht na hÉireann, agus tá sé d'aidhm aici malartú saineolais agus taithí ar shaincheisteanna i dtaca leis an gcosaint shibhialta a éascú.